PARÍSARmýslan

Mýslan komin á klakann

2006-01-23T11:58:00.000+01:00

Fyrir forvitna fólkið!
Haldið ykkur fast ;) því ég er komin með nýja síðu - "Mýslan- the sequel" !!!!!!!
(check out "Mýslan-the sequel" - a new blog)

www.thisisiris.blogspot.com

Hlakka til að sjá ykkur!!

À bientôt!

2006-01-23T00:04:00.000+01:00

Mýslan kveður í bili.... À bientôt!

XXX a tous

Smjörþefur af "Parísarlífi"

2006-01-22T23:28:00.000+01:00

Gleði gleði...

Best að bæta við nokkrum myndum af "litla kveðju-hittingnum" sem endaði með fullu húsi... En eins og ég segi gjarnan, því fleiri því betra ;)

Það er greinilegt að ég var í hörkustuði

Og enn meiri gleði...
Audrey með pósuna á hreinu : )

Smjörþefur af "Parísarlífi"

2006-01-22T23:04:00.000+01:00

Eitthvað er nú bloggið að stríða mér svo ég verð bara að gera nýtt til að geta sýnt ykkur fleiri myndir :)

Er ekki mál að snúa sér að Sorbonne háskóla eða "Svarta skóla" að hætti Sæmundar Fróða...

Það er ekki á hverjum degi sem maður fær að spóka sig í sama skóla og margir af helstu snillingum sögunnar gerðu
forðum daga. Ómetanlegt!

Svo má heldur ekki gleyma því að í Sobonne sótti ég jass-tíma hjá honum Mathis, franska sjarmörnum mínum ;) Hann er sjálfur nemandi í tónlistardeildinni og kenndi mér að skatta hægri vinstri...

Smjörþefur af "Parísarlífi”

2006-01-22T22:02:00.000+01:00

Nokkrar svipmyndir frá París:

Spurning hvor þetta væri talið íbúðarhæft á Íslandi?? Já...en svona bjó your´s truly í nokkra mánuði. Gangurinn var ekkert allt of traustvekjandi en litla hobbitahurðin mín hafði sinn sjarma :) En ég segi samt það sama og ég sagði öllum þeim sem komu í heimsókn, íbúðin er ekki eins slæm og gangurinn! Satt að segja var hún algjört yndi ;)

Ása skvísa var sannkallaður drauma-herbergisfélagi en við húktum saman undir risinu í nokkra mánuði. Það er því kannski ekki skrýtið að við höfum byrjað að þróa hjá okkur sömu taktana - eins og sjá má...

Paris me manque!

2006-01-17T18:49:00.000+01:00

Þá er mýslan mætt á klakann! Kom nánar tiltekið þann 13 janúar. Bjútíið við heimkomuna var að fæstir vissu að á mér væri von - smá plott í gangi :) . Það var því sjón að sjá þegar ég mætti í afmælisveislu nokkrum klukkutímum eftir að ég lenti. Ég hef sjaldan hlegið jafn mikið...fólk gjörsamlega missti andlitið.
Annars er voða gott að vera komin heim. Þegar ég er búin að vera í burtu í lengri tíma tek ég meira eftir því hvað ég hef það gott heima fyrir. Endalaust af heitu vatni, allt svo hreint og notalegt o.s.frv. Þetta þýðir þó ekki að ég hafi búið í neinni svínastíu í París en það má orða það svo að íbúðin hafi ekki boðið upp á miklar hreingerningar... En þrátt fyrir að íbúðin væri í annarlegu ástandi var ég mjög hrifin af henni. Þetta “boheminan” líf hentaði mér vel. Svo er auðvitað málið að fara alla leið fyrst maður er stúdent í París á annað borð. Það er varla hægt að finna franskari íbúð!

Rétt fyrir heimkomuna hélt ég lítið kveðjupartí “undir risinu”... Í fyrstu áttu þetta bara að vera örfáar manneskjur en áður en ég vissi af var íbúðin full af fólki. Það er líka nauðsynlegt að kveðja liðið áður en haldið er heim á leið. Því miður komust ekki allir enda er fólk á kafi í próflestri þessa stundina :/ En það voru þó allt Íslendingar sem ekki komust. Maður bjargar því með almennilegum hittingi á klakanum þegar allir eru komnir heim.

Það er ómögulegt að nefna eitthvað eitt sem stóð upp úr þegar ég hugsa um síðustu mánuði... Þó svo að það hafi verið heilmikið basl að fást við franska skólakerfið má segja að ég sé orðin eiturhörð í þeim efnum. Nú er mál að passa sig því Íris er mætt á svæðið!!:) Svo jafnast auðvitað ekkert á við það að fá að stunda nám við Sorbonne!
Að lifa og hrærast í París er líka sannkallaður draumur og stendur borgin vissulega undir nafni sem ein af fallegustu borgum heims. Þar sem menning og listir skipta höfuðmáli í París var úr nógu að velja - ótal söfn og minjar hægri vinstri.

Svo má auðvitað ekki gleyma öllu því frábæra fólki sem ég hef kynnst í kjölfar dvalarinnar. Enda er það þegar öllu er á botninn hvolft fólkið sem gerði dvölina svona minnisstæða : )

Rauða millan, Signa, Eiffel turninn....hvar á ég að byrja!!?

2006-01-07T19:21:00.000+01:00

Ég verð að viðurkenna að ég og Ömmi vorum ekkert allt of dugleg að túristast um jólin...en það var líka rosalega gott að slappa af og vera laus allra mála ;) Hins vegar tókst okkur að taka smá syrpu og sáum meðal annars Montmartre, allt frá Sacre Cæur til Rauðu millunnar. Með smá stoppi á Les deux Moulins, kaffihúsinu þar sem kvikmyndin Amélie Poulain var tekin upp. Þar sem þetta er ein af mínum uppáhalds myndum var mikil upplifun að koma þarna inn. Það var samt hálf súrealískt að þjónustustúlkan sem tók á móti okkur leit alveg nákvæmlega eins út og Amélie Poulain...tilviljun??? Þegar við röltum niður að Rauðu millunni komst ég að því að það er "kynlífshverfi" Parísar...ekkert nema erótískar verslanir og svo framvegis...Samt þykir voða fancy smancy að fara í Rauðu milluna og kostar það allt að 50.000 kall að setjast þar inn og snæða kvöldverð á meðan einhverjar skvísur hoppa og skoppa á sviðinu hehe. Hver veit, kannski er þetta þess virði. Enda er þetta jú staðurinn þar sem "kann kann" sýningarnar voru haldnar hér áður fyrr... (Mynd: til v. Sacre Cæur)

Það sem stendur einna hæst upp úr af túristastússinu okkar var bátsferðin á Signu og þegar við fórum upp í Eiffel turninn. Að vísu var ég búin að sjá flest kennileitanna sem voru kynnt fyrir okkur á bátnum en það var samt mjög gaman að virða þau fyrir sér frá nýju sjónarhorni. Við sigldum til dæmis undir allar fallegustu brýrnar á Signu. Meðal annars Point Neuf sem er mjög sérstök í mínum huga því þar áttum ég og Ömmi ógleymanlega stund á jólanótt þegar hann fór á skeljarnar :) Eiffel turninn birtist mér í nýju ljósi þegar við "skriðum" upp á topp með hnút í maganum. Lyfturnar virtust ekkert allt of traustar að sjá en þar sem farnar eru hundruðir ferða í hverri viku getur maður slappað af... Þegar upp í toppinn var komið var ekki annað hægt en að gapa... Ég get sagt það með vissu að ég hef aldrei nokkurn tíman verið jafn langt frá jörðu nema þá í flugvél! Það var komið rökkur og öll ljósin fyrir neðan gerðu það að verkum að borgin gjörsamlega ljómaði. Það var hálf furðulegt að sjá hvað allt hafði skynilega skroppið saman, byggingar sem ég hafði daginn áður staðið andspænis og fundist ég agnarsmá í samanburði.
Mynd: Öfugur Eiffel turn...
Sem sagt svaka fútt í "einu" orði sagt!!!!!!!

Til viðbótar við þetta gerðum Ömmi et moi þrjár tiltaunir til að fara að skoða "risaeðlur" á náttúrusafninu en það var alltaf lokað. Hmm...er samt að hugsa um að gera eina tilraun til viðbótar, enda er það ekki á hverjum degi sem manni býðst að standa face to face við skrýmslin.

Stefnan er svo tekin á að taka söfnin með trompi áður en ég kem aftur á klakann... Og að sjálfsögðu eyða ómældum tíma á "Pop in", mínum uppáhalds pöbbara. Eðal staður í alla staði :) Satt að segja er ég á leiðinni þangað í kvellen. Maður verður jú að hitta liðið áður en maður flýgur af landi brott ;)

Biz Biz Biz....hlakka til að sjá ykkur snúllur!
XXXX

Áramót í París! Upp í sardínudósina allir saman!

2006-01-07T19:12:00.000+01:00

Þá er Ömminn farin til Íslands...flaug á miðvikudaginn síðasta. Við höfðum það rosalega gott um hátíðarnar eins og má sjá af fyrri bloggum. Á gamlárskvöld röltum við á Champs Élisée til að vera upplifa fyrstu mínútur nýja ársins við hlið Sigurbogans. Það var mjög skemmtilegt en svakalegt. Hver metro-lestin á fætur annari var eins og sardínudós. Kannski ekki skrýtið því að sögn Frakka er þetta “the place to be” á áramótunum. Þegar á breiðgötuna var komið blöstu við þúsundir manna. Magnað að sjá svona mikið af fólki saman komið á einum stað. Hins vegar var ég ekkert allt of sátt við flugeldarnar. Ég bjóst við einhverju “show” en það var ekkert. Í hvert skipti sem einhver viðstadda skaut upp aumri rakettu hrópuðu allir og kölluðu! Hehe...það er líka ekki hægt að ætlast til þess að fólk toppi flugeldabrjálæði Íslendinga. Við erum jú engu lík í þeim efnum enda er gróði söluaðila svakalegur á ári hverju. Ég frétti að það hefði aldrei verið keypt jafn mikið af flugeldum á Íslandi og þessi áramót og að reykurinn í loftinu hafi verið yfir hættumörkum langt fram á næsta dag....Stundum held ég að við séum að reyna að bæta upp fyrir það að vera svona lítil þjóð með því að vera svona extravagant. En er ekki bara gaman að þessu : )

Jæja, aftur að Frakklandi. Eftir árámótafagnað við Sigurbogann röltum ég og Ömmi heim í litlu risíbúðina, fengum okkur freyðivín og skutumst svo á bar í nágrenninu. Þjónninn okkar var vægast sagt furðulegur! Hann var í skjannahvítum buxum og bol með hvíta “Kleópötru-hárkollu” (sem einhverra hluta vegna var einkennisbúningur þjónanna þetta kvöldið...svalt..jamm..). Honum tókst að færa okkur drykki í fyrsta skiptið. Þegar við pöntuðum annan skammt kom hann þrisvar til að athuga hvað stóð á kvittuninni okkar því hann var alltaf að gleyma pöntuninni... Þegar honum tókst loksins að koma óskum okka áleiðis til barsins 40 min seinna og ætlaði að færa okkur drykkina á bakka hrasaði hann illilega og mölraut allt heila klabbið. Lét okkur svo fá kvittun eins og ekkert væri og lét sig hverfa. Ég sá hann veltandi niður stigann stuttu seinna...Við fengum þó nýja drykki ókeypis í skaðabætur. Sá hefur verið rekinn daginn eftir..pfff....En ég og Ömmi skemmtum okkur samt mjög vel þetta kvöld og var mjög mikil upplifun að taka á móti nýja árinu í París.

París vs. klakinn

2006-01-05T20:59:00.000+01:00

Jæja já...enn er ég í París....and lovin´ it baby!!! Það er samt ansi mikið farið að styttast í að ég komi heim á klakann og eru því mjög blendnar tilfinningar í gangi, bæði hlakkar mig mikið til að sjá liðið heima fyrir en ég veit samt að ég á eftir að sakna þessarar borgar mikið. Ætli ég verði ekki bara að koma aftur fljótlega. París nær heljartökum á manni og maður getur ekki annað en elskað hvern krók og kima. En eins og ég sagði þá verður mjööög gott að komast i almennilega sturtu og geta opnað sklápa án þess að vera hrædd um að þeir detti ofan á mig o.s.frv. Og auðvitað að hitta ykkur öll...það er það besta ;)

Í gærkvöldi skellti ég mér í bíó á "Angel-A" sem er ný mynd eftir Luc Besson. Algjört listaverk. Tekin upp í svarthvítu frá A til Ö. Karakterarnir eru snilldarlega samansettir og það sem er besta er að hún er tekin upp á fallegustu stöðum Parísarborgar. Til dæmis eiga mörg atriðinna sér stað á nokkrum af þeim fjölmörgu brúum sem liggja yfir Signu. Sannkallaður sælgætismoli :) Það var samt svolítið skrýtið að vera að horfa á öll þessi kennileiti sem má sjá í myndinni, rölta svo út úr bíósalnum og standa beint fyrir framan þau....

bisou

Stóra stundin

2005-12-26T18:41:00.000+01:00

Eftir að ég og Ömmi lukum við jólamatinn á Aðfangadagskvöld og kláruðum að opna pakkana var ég dregin út í göngutúr. Leiðin lá í átt að Signu og upp á "Point Neuf" sem er ein frægasta brú Parísar. Þaðan má sjá magnað útsýni yfir alla borgina, frá Notre Dame alveg upp að Eiffel turninum. Við fundum okkur lítinn útsýnisbás á miðri brúnni. Skyndilega byrjaði Ömmi að halda ræðu um okkur tvö og talaði um að hann vildi vera með mér alla ævi...ég vissi ekki alveg hvað var í gangi og var næstum búin að skemma ræðuna með því að fara að tala um Eiffel turninn. "Við verðum svo að taka mynd af okkur þegar hann byrjar að glitra"...típísk ég hehe. En þegar klukkan sló tólf á miðnætti og Eiffel turninn byrjaði að glitra dró Ömmi upp hringa úr jakkavasanum og fór á hnén!!!!! Rómantískara getur það ekki verið!!! Hann Ömmi er nú extra rómantískur en þarna tókst honum jafnvel að slá sjálfum sér við!! :)

HÓ HÓ HÓ!!!

2005-12-26T18:06:00.000+01:00

Það er magnað að vera hér í París yfir jólin...jólaskreytingar hvert sem litið er..gleði gleði!!!! Kláraði síðasta prófið þann 19 og er því laus allra mála. Ömmi kom til mín fyrir viku og var frábært að taka því rólega í jólaundirbúningnum, ekkert vesen ekkert stress. Við röltum um stræti borgarinnar og skoðuðum jólaskreytingarnar, fórum á Champs Élisée sem er breiðgatan sem liggur upp að Sigurboganum. Við gengum þá götu til enda, alveg upp að riiiisastóru parísarhjóli. Við fórum auðvitað nokkra hringi og "sumir" voru dálítið stressaðir (nota bene ekki yours truly hehe)
Á aðfangadagskvöld vorum ég og Ömmiu svaðalega íslensk- Hangikjöt, laufabrauð, ORAbaunir og alles. Ekki slæmt það. Ma og Pa tóku það auðvitað ekki í mál að við myndum borða kótilettur í kvöldmatinn og komu barasta með allan jólamatinn með sér þegar þau kíktu í heimsókn í síðasta mánuði. Laufabrauðið í handfarangri - Það er mikið á sig lagt! En þar sem ég er hvorki með ofn eða almennilegar hellur hefði jólamaturinn eflaust verið ansi fátæklegur ef það hefði ekki leynst hangikjöt í ísskápnum ;) PS: Vorum meira að segja með DVERGATRÉ!!!! Lítið en jóló! Æðislega krúttó ;)

BERSERKUR Í PARÍS!!!!! Nei nú er allt að verða brjálað...

2005-12-15T02:40:00.000+01:00

Læra læra smæra..pfff....Það er alldeilis verið að þjaska manni út. Ég fór í annað próf í dag og það í sögu vestrænnar menningar! Þetta er að vísu mjög áhugavert fag en ég var svo "sniðug" að velja einn af erfiðustu kúrsunum í boði...En ég ætla samt ekkert að kvarta enda er ég nú hér til þess að læra ;) Til allrar hamingju er þessi kennari almennilegur, ótrúlegt en satt. Það eru þá til kennarar sem þola Erasmus-nema. Magnað! Hreint og sagt ótrúlegt! :)
Þegar prófinu var lokið ákvað ég að bíða eftir Floru, franskri vinkonu minni sem er að læra íslensku í Sorbonne. Eftir að hafa beðið í dágóða stund fór ég að svipast um eftir fólki sem gæti hafa verið með henni í tíma (hún lenti á svo miklu spjalli við kennarann að hún lét ekki sjá sig nærri strax).
Skyndilega sá ég stórgerðan mann koma á móti mér, íklæddur heljarinnar skykkju með loðfeld á öxlunum sem virtist ná upp fyrir haus!! Ég vissi ekki hvað ég átti að gera af mér, fara að hlæja eða flýja í skjól... Ekki bætti úr skák að hann talaði tungum og sagði "BRRRJÁN" í sífellu. Þarna var áreiðanlega kominn eini víkingurinn í París. Þegar ég hélt hann ætlaði að stökkva á mig beygði hann frá og hélt heim á leið...PFFFF...Heppin ég! Þegar Flora trítlaði niður stigann ásamt Gunnari, íslenskukennaranum ákvað ég að spyrja hvort þessi furðuvera væri ekki í tíma með þeim. Það var jú, enda varla hægt að vera meira "obvious." Die hard víkinga-aðdáandi hér á ferð! Það er nokkuð ljóst. Það er alltaf frábært að uppgvötva að einhver hefur svona mikinn áhuga á okkar menningu. En ég verð samt að viðurkenna að ég varð örlítið smeik eitt augnablik...

HA!? Star Wars á kínversku??

2005-12-13T01:57:00.000+01:00

Eitt það fyndnasta sem ég hef séð lengi!!!! Ef þið viljið skella almennilega upp úr, tjakkið þá á Star Wars: Chine-Angelised...

http://www.winterson.com.nyud.net:8090/2005/06/episode-iii-backstroke-of-west.html

PS: Ég er loksins búin að laga bloggið svo að nú getur fólk dritað inn "commentum" ;)

xx

Hefur morðkvendið mildast?

2005-12-06T15:47:00.000+01:00

Ég held bara að “sú stranga” hafi verið í góðu skapi í gær! Hún brosti og alles og gaf mér flotta einkunn (eins gott..enda er ég búin að leggja miiiikla vinnu í lokaverkefnið). Það voru samt aðeins við skiptinemarnir sem fengum einkunn og má því velta fyrir sér hvort hún hafi ekki bara verið svona fegin að losna við okkur vandræðagemsana...”Alltaf sama vesenið á þessum skiptinemum...af hverju geta þeir ekki bara skilið frönskuna fullkomlega..pff” ;) Hún fær nú samt plús í kladdann hjá mér fyrst ég fékk þessa fínu einkunn hjá henni. Hún gerði ótrúlegt en satt engar tilraunir til að gera okkur “útlendingunum” lífið leitt...hún verður óneitanlega ljúfari í minningunni fyrir vikið.

Þetta reeeeeddast!

2005-12-04T22:35:00.000+01:00

Allt gott að frétta frá Parísarbúanum. Ég ætti að vera að læra þessa stundina en er eitthvað svo eyrðarlaus. Ákvað því að gerast tossi í smá stund og blogga...ehemm...Ég verð þá bara þess duglegri á morgun. Það er svo stutt í prófin að ég er búin að skipulegga lærdóminn fyrir hvern dag svo þetta gangi upp. En ég hef samt litlar áhyggjur. “Þetta reddast” eins og ég segi alltaf. Kannski ekki besta mottóið en það gengur samt alltaf upp;)
Á morgun er svo komið að því að mæta “morðkvendinu” sem ég sagði ykkur frá fyrir stuttu...sú sem grætir Erasmus-nema hægri vinstri! Henni hefur samt ekki enn tekist að brjóta mig niður! Það er komið að einkunnaskilum í þessu fagi og verður því spennandi að sjá hvernig henni tekst að gera okkur skiptinemunum lífið leitt ;) Neinei....rétt er það að hún er fáránlega ströng en maður verður bara að vera stífur á móti...
Í gærkvöldi var ferðinni heitið í teiti til Yrsu sem er íslensk stelpa, búsett í París. Ég þekkti að vísu hvorki hana né vini hennar fyrir partíið en kvöldið var samt sem áður mjög fínt...enda alltaf gaman að kynnast nýju fólki. Meðal gestanna var einn maður sem ég var fullviss um að væri íslenskur til að byrja með. Kannski ekki skrýtið enda valsaði hann inn og heilsaði öllum á íslensku með bros á vör. Að lokum komst ég að því að hann er frá frönskumælandi Kanda en er giftur íslenskum manni. Ég var svo vitlaus að segja “nú, ok..átt þú íslenska konu?” en þá skellti liðið upp úr enda vissu allir þar inni nema ég að hann hallast í hina áttina... Hann er búinn að lofa okkur að taka lagasyrpu í hlutverki Ellu Vilhjálms, íslensku dívunnar í næsta partí! Ofur-hress í alla staði! :)

Sannkallaðir ofurtúristar!!! Frá meisturum listaheimsins til stórmennskubrjálæðis konunganna...

2005-12-04T22:25:00.000+01:00

Í vikunni komu ma og pa að heimsækja mig- takk fyrir frááábæra viku! Það var geysilega gaman enda var ég ekki búin að sjá þau í um þrjá mánuði. Það var eintómt “bella vida” hjá okkur enda var ferðinni heitið á veitingahús á hverju kvöldi og við skemmtum okkur afskaplega vel í hlutverki ofurtúristans. Flökkuðum um í leigubíl og komumst þannig yfir ótrúlega margt. Meðal annars fórum við til Montmartre þar sem má finna hina víðfrægu kirkju “Sacré-Cœur” og hverfið þar sem margir af heimsins bestu málurum héldu sig á síðustu öld eins og t.d. Van Gogh, Picasso, Salvador Dalí og fleiri. Það var mögnuð upplifun að koma á torgið þar sem ég vissi að meistararnir sjálfir höfðu setið og málað á góðviðrisdögum. Það eina var að okkur var frekar kalt enda komin upp á hæsta “fjallið” í París (meira eins og hóll en jæja...greinilega nógu hátt uppi til að þar sé kaldara). En maður bjargaði því jú bara með því að skella sér inn á gamalt franskt kaffihús í heitt kakó. Einstaklega kósí :)
Stuttu seinna fórum ég og mamma til Versala á meðan pabbi hlustaði á fyrirlestra á læknaþingi sem átti sér stað á sama tíma. Versalir eru ógleymanlegir! Lúðvík XIV lét byggja þessa stórhöll til þess að sýna fram á völd sín en aumingja Lúðvík XVI þurfti að borga fyrir eyðslusamt líf forvera síns með því að krefjast hærri skatta af almúganum. Þetta er engin venjuleg höll því hvert sem litið er má sjá silfur og gull. Loftin þekja vegleg málverk sem eru römmuð inn í skrautramma úr gulli! - Bara svona til að gefa smá hugmynd um extravagansið! Kannski ekki skrýtið að fólk hafi verið óánægt með aukna skatta enda hefur þetta kostað sitt. Stuttu seinna átti franska byltingin sér stað. Þó þetta hafi að sjálfsögðu ekki verið grunnástæðan fyrir byltingunni má velta fyrir sér hvort það hafi ekki haft áhrif. Fólk var fátækt fyrir og ekki bætti þá úr skák að þurfa að borga meira því Lúðvíks XIV vildi sýna hvað hann “ætti” mikla fjármuni...En nóg um vangaveltur. Það er magnað að geta sagt að ég hafi gengið sömu ganga og kóngafólk fyrri alda!
Síðasta daginn áður en ma og pa flugu til Íslands nutum við þess að rölta um hverfið mitt (nærri Latínuhverfinu) enda er það einstaklega “charmant” eða heillandi. Endalaust af litlum sætum götum hvert sem litið er! Við versluðum jólagjafir og fórum út að borða á La Mercerie sem er þekktur veitingastaður í París og hefur verið starfræktur síðan 1970. Gerist ekki franskara! Einnig fannst mér alveg magnað að koma upp á hótleherbergi mömmu og pabba. Það er vægast sagt í öðrum dúr en litla þakíbúðin mín þar sem ekkert virkar hehe. Notaði hvert tækifæri til að fara í heita sturtu því það sem stendur til boða heima fyrir er lítil buna sem á mælikvarða Frakka er “bara nokkuð gott.” Ég held að maður sé of góðu vanur heima á Íslandi. En ég er samt að “fíla” þennan bohemian-lífsstíl sem ég er að upplifa þessa stundina í ræmur. Fyrst ég er hérna er um að gera að fara alla leið enda er erfitt að finna meiri “franska-stúdentaíbúð” en þá sem ég bý í. : )

XXXX

Brjálaðir Íslands-aðdáendur og "flörtandi" slökkviliðsmenn

2005-11-24T20:21:00.000+01:00

Það er orðið svo kalt hérna! issfiss. Ég get nú samt ekkert verið að kvarta....ekki einu sinni komið frost. Það er bara búið að vera svo voðalega heitt og gott að þetta er hálfgert sjokk. En þetta kemur manni samt óneitanlega í jólastuðið enda eru jólaskreytingarnar komnar upp víða. Frönsk jólastemning er alveg frábær og hún er rétt að byrja...það er ekki eins mikill kapítalista-bragur af þessu hér...snýst meira um stemninguna að mér finnst. Allavega upplifi ég þetta þannig. París er yndisleg borg og er það því "official"...Ég er orðin ástfangin ;) Þó það verði frááábært að koma heim og hitta allan heiminn þá á ég eftir að sakna Parísar. Fyrst ég er í skrif-stuði akkúrat núna ætla ég að babbla um mitt daglega líf:
Ég fór í Sorbonne um daginn til að fara í tíma. Þar hitti ég Floru, franska vinkonu mína sem er ótrúlegt en satt að læra íslensku í Sorbonne. Það er heil deild fyrir Norðurlandamál í Sorbonne og þekki ég furðulega marga Frakka sem eru að læra íslensku;) Ég heilsaði henni auðvitað á móðurmálinu enda fær hún ekki að æfa sig það oft. Þá tók ég eftir því að með henni voru um tíu Frakkar sem góndu á mig eins og ég væri einhver furðuvera!!! Þá áttaði ég mig á því að þeir voru allir að læra íslensku! Ég hélt þeir ætluðu að éta mig lifandi þegar þeir komust að því að ég er íslensk...enda ekki margir Íslendingar á vappi í Sorbonne hehe. Frekar sýrt að vera staddur í París að læra frönsku og þurfa að flýja undan ofur-áköfum Íslands aðdáendum. Hmmm.. Þetta var samt fyndin upplifun og svo er auðvitað alltaf gaman þegar maður uppgvötvar að fólk hefur raunverulega áhuga á Íslandi..litla skerinu ;)
Um daginn tók Johan (sænski guttinn sem býr fyrir neðan mig) sig til og læsti sig úti á meðan hann var að sjóða pasta. Ég hitti hann í stiganum þegar ég var að koma úr "supermarché" með fullar hendur af pasta og kellogs. Ása, herbergisfélagi minn stóð einnig frammi á gangi ásamt Þórunni sem er líka að læra frönsku í Sorbonne. Ég spurði Johan hvað hann ætlaði að gera í málinu og þá sagði hann að það væri einhver að klifra út um gluggann í okkar íbúð til að skríða inn um hans! Ha! Einhver! Ég myndi sko aldrei voga mér þangað út enda er um að ræða 200 ára gamalt hús sem virðist ekki mjög sterkbyggt. Og svo búum ég og Johan auðvitað á tveimur efstu hæðunum. Galið! En þegar ég leit út um gluggan á stigaganginum sá ég mann í fjallabúnaði frá toppi til táar, með hjálm og alles. Johan hafði hringt í slökkviliðið...Ása greyið var heima í rólegheitum þegar fimm franskir folar bönkuðu upp á hjá henni og sögðu "Madame, we need to use your window." Ekki beint eitthvað sem maður á von á...Þegar þeir fóru skellti Þórunn upp úr og sagði "olala!" svo vel heyrðist til. Þeir hafa greinilega heyrt til hennar því þeir skildu eftir símanúmer á ganginum ef við vildum einhvern tíman kíkja á stöðina í vínglas...Franskir karlmenn eru greinilega meiri flörtara en þeir íslensku. Ég er líka viss um sumir af slökkviliðsmönnunum nota jobbið til að flörta...enda ekki á hverjum degi sem þeir fá að klæðast uniforminu hehe.

XXX á tous...
Parísarmýslan kveður í bili

Djazz í París

2005-11-15T17:36:00.000+01:00

Það er bara endalaus gestamóttaka hér á bæ. Ömmi kíkti í heimsókn fyrir stuttu og Nína tók sig til og flaug til mín núna um helgina. Hún er einmitt á leiðinni heim "as we speak." Við vorum svakalega hressar eins og okkur er einum lagið! Tók auðvitað túristahringinn: Eiffel turninn, Louvre og fleira skemmtilegt...
Síðan var ærlega tekið á því á börum borgarinnar og slysuðumst við til dæmis inn á Jazz-bar af bestu gerð. Við römbuðum inn á staðinn með látum enda litu allir gestirnir við þegar við skeltum hurðinni á eftir okkur. Áreiðanlega eitthvað antyclimax þar á ferð hehe. Síðan fengum við okkur nokkra öllara og byrjuðum að hvetja hljómsveitina og viti menn...áður en langt um leið voru hinir gestirnir farnir að taka við sér og klappa með okkur. Er ég því alveg hárviss um að við komum með stemninguna ;)

Efst: Nína í stigaganginum mínum, á leiðinni út á lífið fyrsta kvöldið.
Ég fyrir framan litlu Hobbita-hurðina mína

Neðst: Nína Í GÓÐU SKAPI...það er nokkuð ljóst..gleði gleði!
Ég og systa í hörkustuði fyrir framan Louvre.

XXX Biz

Rómó Rómó!

2005-11-11T06:32:00.000+01:00

Ömmi kallinn kíkti í heimsókn um helgina og þá var rómantíkin allsráðandi. Ég byrjaði auðvitað á því að sýna honum Les Catacombes (sem er grafhýsi, 52 metra fyrir neðan götur Parísar, uppfullt af beinagrindum. Þangað voru milli 5 og 6 milljónir Frakka færðir úr kirkjugörðum borgarinnar á 19 öld.) - Mjög rómó..... Svo dró ég hann með mér í Lachaise kirkjugarðinn þar sem Edith Piaff, Jim Morrison og fleiri þekktir einstaklingar eru grafnir. En kósí dagur hmmm. Daginn eftir vorum við aðeins ljúfari og gerðum okkur ferð upp að Eiffel-turninum í kvöldbirtunni, sáum meistaraverkin á Louvre og fleira.
Á laugardagskvöldin var okkur boðið í innflutningspartí hjá Audrey sem var nota bene: kennarinn minn á Íslandi (neðst til hægri: Ég og Audrey í hörkustuði). Það var mikið fjör á þeim bæ. Einn félagi hennar Audrey hélt því statt og stöðugt fram allt kvöldið að "Iceland is my hometown"...já, einmitt...einn ekki alveg með landafræðina á hreinu;) (Neðst til vinstri)

Ömmi var á því að París væri ein fallegsta borg sem hann hefði komið til :) Sem sagt...ekkert nema rómantíkin hér!

Biz à tous XXX

Rendez-vous!

2005-11-01T11:30:00.000+01:00

Um helgina hitti ég Joshua og David, tvo félaga mína sem ég kynnist í Antibes fyrir um þremur árum. Ég hef því ekki séð þá lengi og voru þetta því miklir fagnaðarfundir :) Við fórum út að borða saman á ekta franskan veitingastað þar sem ég gæddi mér á risarækjum. Svo var Joshua svo rausnarlegur að hann bauð okkur öllum í mat...ekki slæmt það! Ég hellti í hann bjór í staðinn ;) Næsta kvöld skelltum við okkur á Chez George sem er mjög þekktur franskur bar (í götunni minni) sem hefur verið starfræktur síðan 1950. Til viðbótar við drengina tvo hitti ég tvær vinkonur hans Joshua. Það vill líka svo skemmtilega til að önnur þeirra, hún Joanna, er í námi við Sorbonne 4 eins og ég. Við munum því eflaust gera eitthvað skemmtilegt saman í vetur.

Frá v: Ég og Dave..alltaf jafn sæt ;)
Rachel, Josh og Joanna í góðu tómi...

Túristinn lætur til sín taka

2005-10-26T00:36:00.000+02:00

Ég var í þvílíku túrista-stuði um helgina. Var alveg eiturhörð í þeim efnum og fór á heilmikið flakk. Skellti mér meðal annars í Mýrina á laugardaginn sem er einstaklega kósí hverfi. Á sunnudaginn varð ég svo myndavélaóð í Lúxemborgargörðunum. Ég fór út að hlaupa þar um daginn og varð alveg yfir mig hrifin enda er fáránlega mikið af fallegum styttum í garðinum. Svo stendur Lúxemborgarhöllin auðvitað fyrir sínu. Því næst skellti ég mér í Saint Sulpice kirkjuna sem ég bý nota bene við hliðina á. Fyrir þá sem hafa lesið Da Vinci Code þá fann ég gylltu línuna sem albínóinn var að leita að. Aha! Ekki slæmt það :) Um kvöldið tók ég svo lestina að Eiffel-turninum og sá hann upplýstan. Það vara alveg mögnuð upplifun, sérstaklega því á klukkutíma fresti glitrar hann allur og er alveg ógleymanlegt að sjá það. Annars er hverfið mitt líka mjög fallegt. Þegar fólk spyr mig hvar ég bý fæ ég alltaf sama svarið.."Ah c´est sympa" eða "Ah, en æði." Þar sem þetta er eitt af "fínni hverfum borgarinnar" má sjá mikið af uppstríluðu liði röltandi um göturnar. Ég tók einmitt sérstaklega eftir því þegar ég kom að karlmenn hugsa meira um tískuna hér en maður er vanur heima á Fróni. Mikið er um svokallaða metrosexual karla. Svo má auðvitað enn sjá þessar "low key" týpur inn á milli :) Annars er þessi borg alveg mögnuð í alla staði og Parísarbúar mjög almennilegir. Andstætt því sem maður hefur heyrt ;) Og svo er franskan auðvitað farin að taka stakkaskiptum...er meira að segja farin að hugsa á frönsku! Oui Oui Oui... :)

xxx á tous!

Afmælismýslan tjáir sig

2005-10-12T00:00:00.000+02:00

Kennsla hófst formlega í gær. Mér leið satt að segja eins og ég væri sex ára á leið í skólann í fyrsta skipti. Því rétt eins og í gamla daga vissi ég ekkert hvað ég var að fara út í! Ég mætti í fyrsta tímann en það var "Saga Vestrænnar menningar frá örófi alda til okkar tíma" og leist mér vel á. Það er samt nokkuð ljóst að þetta verður hörkuvinna ef ég ætla að halda í við Frakkana. Því næst var ferðinni heitið í fjölmiðlafræði og enn var ég hress og kát. Þegar þeim tíma var lokið var komið að verkefnatíma í fjölmiðlun. Þá kom babb í bátinn! Kennarinn hætti að vera skýrmæltur og babblaði eitthvað út í loftið eins og hann væri einn í heiminum. Svo þykir mér alveg magnað hvað maður fær litla aðstoð sem skiptinemi. Þegar ég spurði einn prófessorinn hvernig hún vildi að fyrirkomulagið yrði varðandi mig því það gefur augaleið að það er ekki hægt að dæma mig á sama hátt og frönsku nemana. Hún svaraði einfaldlega "Ég segi nú bara eins og ég segi alltaf, ég veit ekkert um þetta!" Einmitt..já...flott...En þetta var allt saman fróðleg reynsla og dagurinn var mjög sveiflukenndur. Allt frá dúndrandi hamingju yfir í algjört vonleysi. En ég átti svo sem von á því að ég fengi vægt sjokk þegar kennsla hæfist. Ég kem því ekki alveg af fjöllum. Í dag tek ég stefnuna á að dekra svolítið við mig enda á maður bara afmæli einu sinni á ári ;)I

XXXXX

Loksins loksins

2005-10-07T19:21:00.000+02:00

Loksins fór ég í túrista-rútuna og fór hringferð um París. Get ég því hér með sagt að ég hafi séð Eiffel-turninn og allar helstu byggingar borgarinnar. Það er líka kominn tími til eftir að vera búin að góna á endurspeglun af Eiffel-turninum í glugga nágranna míns í bráðum tvær vikur ;)
Hér eru nokkrar myndir af ferðalaginu...

2005-10-05T13:31:00.000+02:00

2005-10-05T13:18:00.000+02:00

Jæja gott fólk...ég skellti mér til Amsterdam um helgina. Það var alveg magnað! Ömmi og fylgdarliðið hans var á leið til Sódómu vestursins og ég ákvað því að hitta hópinn á miðri leið. Þetta var ógleymanleg ferð frá A til Ö. Við fórum á Van Gogh safnið sem var mikil upplifun enda er það ekki á hverjum degi sem maður gónir á nokkur af frægustu listaverkum sögunnar. Einnig fórum við á Ríkissafnið en þar má finna verk eftir Rembrandt og Johannes Vermeer frá gullöld Hollands. Síðan sigldum ég og Ömmi um borgina í einhverjum "love-boat" sem var á endanum ósköp venjulegur túristabátur. En á meðan siglingunni stóð sáum við allar helstu götur borgarinnar. Því næst var ferðinni að sjálfsögðu heitið í Rauða hverfið og má segja að eftir að hafa heimsótt Sódómu vestursins sé ég reynslunni ríkari ;)

Í góðum félagsskap

2005-09-29T15:21:00.000+02:00

Ömmi og félagar

2005-09-29T15:08:00.000+02:00

En áður en ég held lengra í Parísarmálunum þá verð ég að bæta við að ég og Ömmi fórum í dýragarðinn í Hamburg áður en ég hélt mína leið. Þar eignaðist Ömmi magra góða vini. Meðal annars svínið Sven svo eitthvað sé nefnt...Svo var strúturinn alltaf voðalega hrifinn af honum og elti hann á röndum. Bara svona til að hafa þetta með ;)

C´est normal!

2005-09-29T14:51:00.000+02:00

Loksins loksins, búin að finna kaffihús með þráðlausu neti. Kominn tími til. Ég verð nú að viðurkenna að ég hef ekki séð mikið af París enn enda hefur verið heilmikið vesen að skrá mig inn í skólann. Frakkar eru ekki mjög skipulagðir, það er nokkuð ljóst. Í fyrirlestri fyrir skiptinemana voru ljósin alltaf að detta út. Maður heyrði varla í fyrirlesaranum vegna hávaða í borvélum sem voru í fullum gangi í næsta herbergi. Karlinn hló bara og sagði "c´est normal!" Sem sagt mjög eðlilegt á þeirra mælikvarða. Kannski er maður bara of góðu vanur heima á Fróni. En þetta er allt saman upplifun...maður verður jú að reyna að lifa eins og Frakki fyrst maður er hérna á annað borð.
Þó ég hafi ekki séð mikið að borginni enn þá glittir jú alltaf í endurspeglun af Eiffel-turninum í glugganum hjá nágranna okkar. Það er þó eitthvað ;) En í dag er planið að rölta um...Kíkja í Lúxemborgargarðana, Notre Dame og fleira.

Je vous embrasse! XXX

2005-09-28T16:13:00.000+02:00

Jaeja...komin til Parisar og eins og sja ma er eg ad basla vid ad skrifa a franskt lyklabord. Gengur ekkert allt of vel en jaeja, tad er allavega vonandi ad tid getid lesid tennan hraerigraut. Buin ad fara i haskolann otrulegt hvad tad er mikid vesen ad fa einhverjar upplysingar a teim bae. Tok mig meira ad segja trju korter ad finna altjodaskrifstofuna. Tetta er skoli i staerra lagi ;)
Half skrytid ad vera komin i storborgina tvi eg hef aldrei komid til Parisar adur. Er half villt..veit meira ad segja varla hvar eg er nuna. En til allrar hamingju er eg buin ad naela mer i kort. Eg aetti ad rata heim :)
Laet tetta duga i bili enda er lyklabordid ein stor flaekja. Dundra inn sludri a naestunni tegar eg kem tolvuni minni i stand :)

xxx til allra

Karókí

2005-09-23T13:53:00.000+02:00

Það var mikið fjör á karókí kvöldinu eins og myndirnar gefa til kynna. Ég lét nú ekki verða af því að syngja sjálf enda var röðin svo löng. Ég vissi að ég myndi verða raddlaus þegar ég loksins kæmist upp á svið ;) (blinkblink)
Til vinstri er Patrick frá Írlandi á háhesti á Grayham frá Englandi. Þeir félagar voru góðir saman. Patrick er hins vegar alveg kreisí. Hann var uppi á borðum allt liðlangt kvöldið að syngja írska þjóðsöngva. Það sama má eiginlega segja um alla hina frá Írlandi. Mikil bjórmenning í því landi. Það er greinilegt.
Ég og Ömmi urðum svo auðvitað að pósa fallega fyrir alla blogg-gestina. Brosa svo!!!

Mýslan stefnir á atvinnumennsku í keilu gott fólk!

2005-09-21T13:38:00.000+02:00

Jæja þá, ég var bara ekkert svo slæm í keilu eftir allt saman! Ég tapaði allavega ekki því það var ótrúlegt en satt....stelpa sem var lélegri en ég með mér í liði. Í fyrsta leiknum byrjaði ég svakalega vel og ég heyrði strákana í sama liði hvíslast á um að ég væri bara soldið góð.. Ætli þeir hafi verið hræddir???? En stuttu seinna missti ég mig og það má segja að ég hafi "lost my touch." Já því miður. Mig langaði samt að koma því á hreint að ég er greinilega ekki svona hræðilega slæm eins og ég hélt...
xxx til allra :)
Ps. Ingibjörg...Ég var að skoða nýju myndirnar á Barnalandi. Hann er sannarlega gullmoli. Síbrosandi og verður sætari með hverjum deginum! ;)

Sögustund með Írisi

2005-09-20T17:00:00.000+02:00

Svo þið getið fengið smjörþefinn af Luneburg. Þetta er aðaltorg borgarinnar. Það er mikið um gömul hús sem eru öll skökk og skrýtin en á sama tíma mjög flott. Luneburg slapp að mestu við sprengingar í seinni heimsstyrjöldinni og hafa gömlu húsin því varðveist vel :) Jamm og já.

2005-09-20T16:51:00.000+02:00

Fyrsta myndin komin. Svakalega er ég nú svöl!

Mætt á svæðið!

2005-09-20T16:02:00.000+02:00

Jæja, þá er frúin loksins mætt á svæðið eftir langa bið. Byrja ferðina eins og þið vitið í Þýskalandi til að heimsækja Ömma :)
Það er heilmikið búið að gerast hér og er mikið fjör á svæðinu. Enda allir skiptinemarnir nýkomnir og er því nánast djamm á hverju kvöldi. Maður þarf að hafa sig allan við til þess að standa sig með þessu liði! Ég geri mitt besta. Maður verður nú að sýna og sanna að maður er sannur Íslendingur í húð og hár. Í kvöld er svo stefnan tekin á keiluna þar sem ég mun án efa tapa með stíl því eins og margir vita er ég voðalega klaufsk með keilukúluna. En ég ætla samt að mæta og gera mitt besta. Það er líka aldrei að vita nema það séu einhverjir sem eru ennþá lélegri en ég þó ég eigi satt að segja ekki von á því. Á morgun er svo karókí. Einn af skiptinemunum er óperusöngvari af bestu gerð og verður þetta því eflaust skrautlegt kvöld. Svo er bara spurning hvort mín kæra æði á sviðið eða ekki... ;) Eflaust geri ég það ef ég þekki mig rétt.
Ég hitti frönsku skiptinemana í dag og var gott að geta loksins tjáð sig á frönsku. Það er nefnilega svo furðulegt að ef það er ekki enska í kringum mig á erlendri grundu vill franskan alltaf brjótast út. Ég hef meira að segja staðið mig að því að svara Þjóðverjum á frönsku. Furðulegt. Það er svona þegar maður kann ekkert í þýsku nema "Ja, ich libe dich og svo auðvitað SPIDELHUND". Ég veit ekki hvort það er raunverulegt orð en mér finnst þetta bara svo hræðilega hlægilegt orð að það er mottó vikunnar hjá mér. Þegar ég lyfti glasi til að skála verður SPIDELHUND ávalt fyrir valinu!
Og allir saman nú: SPIDELHUND!

Gestaþrautin

2005-09-20T14:22:00.000+02:00

Eitthvað er nú ekki í lagi með þessa klukku....